आठवणीतली गाणी - राधा ही बावरी....

रंगात रंग तो शामरंग पाहण्या नजर भिरभिरते |

ऐकून तान विसरून भान ही वाट कुणाची बघते |

त्या सप्तसुरांच्या लाटेवरूनी साद ऐकूनि होई .............

राधा ही बावरी हरीची राधा ही बावरी

राधा ही बावरी हरीची राधा ही बावरी llधृ.ll

हिरव्या हिरव्या झाडांची |  पिवळी पाने झुलताना ||

चिंब चिंब देहावरूनि | श्रावणधारा झरताना ||

हा दरवळणारा गंध मातीचा मनास बिलगून जाई |

हा उनाड वारा गूज प्रीतीचे कानी सांगून जाई |

त्या सप्तसुरांच्या लाटेवरूनी साद ऐकूनि होई .............

राधा ही बावरी हरीची राधा ही बावरी

राधा ही बावरी हरीची राधा ही बावरी ll१ll

आज इथे या तरुतळी | सूर वेणूचे खुणावती ||

तुज सामोरी जाताना | उगा पाऊले घुटमळति ||

हे स्वप्न असे की सत्य म्हणावे राधा हरपून जाई |

हा चंद्र-चांदणे ढगाआडुनि प्रेम तयांचे पाही |

त्या सप्तसुरांच्या लाटेवरूनी साद ऐकूनि होई .............

राधा ही बावरी हरीची राधा ही बावरी

राधा ही बावरी हरीची राधा ही बावरी ll२ll 

---------------------  राधा ही बावरी